Aan al my FB & blogger maaitjies

Ek wens jou gesondheid toe.
Die vars lug van Afrika verdien niks minder nie.

Mag die vrede in jou hart
Jou hartkamers laat bons

Ek wens jou die wysheid om te prioritiseer
óm die dinge wat werklik tel

Mag die afwesigheid van korrupsie
Armoede in 2011 oplos.

Mag die afwesigheid van kollektiewe verlamming
Dienste na ons strate bring.

Ek wens jou ‘n derde oog wat die prag van God se werke
nooit ongesiens laat verbyglip nie.

Mag die afwesigheid van rassisme
ook die einde van SEB, EE, AA en kwotas wees.

Mag die belangstelling van ons regering
Suid Afrikaanse moordslagoffers ook bereik.

Mag ons êrens in persoon ontmoet
omdat virtualiteit altyd tweede beste is.

Mag jou drome vir 2011
eers realisties wees, dan waar.

Mag rekenskap beteken dat niemand
kry wat hulle nie verdien nie.

Daarom wens ek jou die beste
Van wat jy werklik verdien.

Mag 2011 die jaar wees waar niemand
By jou geld leen nie.

En die wat daarmee wegkom
Dit teruggee  met rente.

Mag twiste opgelos word
Sodat dat dit almal sal pas

May Stephen Hawking invent
silent weedeaters.

May Richard Dawkings invent
Sunrise Barking-Doggie Tranquilisers

Mag jou tjops nie verbrand nie
en jou babbalaas van korte duur wees.

Mag minder as twee-derdes van jou 2011 voorneme
op 2012 se lysie verskyn.

Mag daai ongewenste vetrollletjies uiteindelik
net 'n ou laatlammetjie wees.

Ek hoop jy wen die Lotto en deel dit
Met almal wat gehoop het jy sal wen.

Ek kry jou daaikant...

Steve