Toer Datums

In sommige van die mooiste dele van ons land, omring deur kultuurskatte, historiese erfgoed en ander opwindende toeriste-aanloklikhede, lê ses verruklike ATKV-oorde waar jy met ongekende gasvryheid verwelkom sal word. ‘n Veilige, ontspanne lushof waar jy jou kan tuismaak vir ‘n onvergeetlike selfsorg vakansie, inspirerende konferensie of spanbousessie, jou droomtroue of ‘n kulturele ontdekkingsreis.  

Ons wye verskeidenheid selfsorg akkommodasie sal elke smaak en sak pas. Al ons oorde spog met konferensiefasiliteite en die ideale atmosfeer vir positiewe en verbeeldingryke besigheidsbeplanning en spanbou. Twee van ons oorde, ATKV-Drakensville en ATKV-Klein-Kariba, spog elk met ‘n lieflike kapel en pragpersele vir troues en onthale. Die ATKV se oorde is die ideale basis vanwaar jy ‘n magdom kultuurskatte en historiese besienswaardighede in die omtrek kan verken. 

Niks klop ons oorde as dit by waarde, gasvryheid, veelsydigheid, ontspanning en opwinding kom!